حوار بين الحبيب وحبيتة بالدارمي

هنودي المندلاوي كتب:هو
ابـــــغداد بيتج صـــــــــار لو بلديوانـــــيه
اعبر الشط اعبـــــــــــور وامشي علديه



هي
جسر الخشب موجــــود لاتعبره يهــواي
خافن بيك ايميل وتــــــــغرك به الــــــماي



هو
خل اغـــرك ابهلماي بس كـــــون اشوفج
لوجســـــموني انه اجــــسام ابدا معوفج

هي
بســـــك يبعــــــــد الروح فــــــــدوتك انــــه
ولو كلبـــــــي مــــــــادك يوم انت ابمجانه





هو
خــــــــل اعبر الشط زيــــــن لو تعبـــريلي
ولا نظــــــــل محـــــــتارين انه ودليلــــــي





هي
اعـــــــــبر يبعد الروح بس هونك اطــــيح
ياربــــــــي اخاف عليه من هبة الـــــريح





هو
اعـــــــــبر وحك عيناج واتعـــــــــــنه يمج
احجيلي شنـهو الصار وأشـــكيلي همج





هي
مـــــرحب يبعد الروح وياهله بجــــــــيتك
غـــــــــيري ابد متصـــــير غيري امريــــتك