ابوذيات انشاء الله تعجبكم

*الوكت بس البراسه جنون يمنه
غدر بينه وبجار الجان يمنه
لجن ماتنتصر يسره بغير يمنه
ولايمنه وحدهه تفل قضيه
***********************
*حسبتك الي ياخلي نداماي
يبير الما ابد منك نداماي
بعد شيفيد من تالي نداماي
مضه صواب التجافي وعمل بيه
***********************
*يعلمني الزمان دروس ونسه
وعلى حالي بجت رضعان ونسه
انه الجنت للخوان ونسه
صرت معدي ويخاف اليمر بيه
***********************
*يصاحب مادريت بجفاك شصار شجره
بلور البحر بحشاي شجره
عشرتي وياك شجره كبال شجره
لاانه اكرب ولا انته طل عليه
**************************
*انه صابر والصبر صاير لهاماي
تشب النار من جدمي لهاماي
ياهو اليسرع ويادي لهاماي
يطفيه كبل لتعم عليه
************************
*كتبنه كتاب لاجن بيه سرنه
وبعد للغير ماينباع سرنه
انه بكتر ونته بكتر سرنه
وبعد هيهات جمعتنه سويه
***********************

أكيد تعجبنة أنت ومشاركتك مشكور

طرح جميل يستحق التميز

مشكور يا ورده على موضوعك

أعجبني ما طرحت من الأبوذية الرائعه شكرا لك